काठमाडौं, २२ कात्तिक। नेपाल राष्ट्र बैंकले आइतबारका लागि सार्वजनिक गरेको विदेशी मुद्राको विनिमयदरमा कुनै परिवर्तन भएको छैन। अघिल्लो दिन कायम रहेको दरलाई नै निरन्तरता दिँदै राष्ट्र बैंकले आइतबार पनि अधिकांश विदेशी मुद्राको खरिद तथा बिक्रीदर यथावत् राखेको हो।
राष्ट्र बैंकले सार्वजनिक गरेको विवरणअनुसार अमेरिकी डलर एकको खरिददर १४९ रुपैयाँ ९६ पैसा र बिक्रीदर १५० रुपैयाँ ५६ पैसा कायम छ।
त्यसैगरी, युरोपियन युरो एकको खरिददर १६७ रुपैयाँ ५४ पैसा र बिक्रीदर १६८ रुपैयाँ २१ पैसा तथा बेलायती पाउन्ड स्टर्लिङको खरिददर २०० रुपैयाँ ७४ पैसा र बिक्रीदर २०१ रुपैयाँ ५५ पैसा निर्धारण गरिएको छ।
स्वीस फ्र्यांक एकको खरिददर १८३ रुपैयाँ १९ पैसा र बिक्रीदर १८३ रुपैयाँ ९२ पैसा रहेको छ। यस्तै, अष्ट्रेलियन डलरको खरिददर १०३ रुपैयाँ २ पैसा र बिक्रीदर १०३ रुपैयाँ ४३ पैसा कायम गरिएको छ।
क्यानेडियन डलर एकको खरिददर १०६ रुपैयाँ ५१ पैसा र बिक्रीदर १०६ रुपैयाँ ९४ पैसा तोकिएको छ भने सिंगापुर डलरको खरिददर ११७ रुपैयाँ ३ पैसा र बिक्रीदर ११७ रुपैयाँ ५० पैसा रहेको राष्ट्र बैंकले जनाएको छ।
