काठमाडौँ ।
नेपाली काँग्रेसको विशेष महाधिवेशनमा ५६.१ प्रतिशत महाधिवेशन प्रतिनिधिले नाम दर्ता गराएका छन् ।
विशेष महाधिवेशन उद्घाटन समरोहमा ६२ प्रतिशत प्रतिनिधि सहभागी भएर नाम दर्ता गराएका हुन् ।
काँग्रेसमा ४७ सय ४३ महाधिवेशन प्रतिनिधि छन् ।
असोज २९ गते ५४ प्रतिशत प्रतिनिधिको हस्ताक्षरसहित विशेष महाधिवेशनको माग भएको थियो । संस्थापन पक्षले बेवास्ता गरेपछि महामन्त्रीद्वयले विशेष महाधिवेशन आह्वान गरेका थिए ।
नेपाली कांग्रेसको विशेष महाधिवेशन अन्तर्गतको बन्दसत्र भोलि (सोमबार) बिहान ८ बजेबाट सुरु हुने भएको छ ।
विशेष महाधिवेशन पक्षधर नेता मनोजमणी आचार्यले बिहान ८ बजेबाट बन्दसत्र सुरु हुने उद्घाटन सत्रको अन्त्यमा जानकारी दिए ।
बन्दसत्रमा महाधिवेशन प्रतिनिधिहरूले नीति र नेतृत्व परिवर्तन गर्ने बताएका छन् ।
