रामेछाप । उमाकुण्ड गाउँपालिकाको अध्यक्ष शेरबहादुर सुनुवारको प्रमुख आतिथ्यमा प्रदेश युवा परिषद् बागमती प्रदेश र उमाकुण्ड गाउँपालिकाद्वारा संयुक्त रूपमा आजबाट बाम्तीभण्डारमा तीनदिने लागु पदर्थ दुर्व्यसनी तथा साइबर क्राइम सम्बन्धि सचेतना कार्यक्रम आयोजना गरिएको छ ।
हाल युवा वर्गमा दैनिक रूपमा लागु पदर्थ दुर्व्यसन बढ्दै गएको कारण यसलाई नियन्त्रण गर्न बागमती प्रदेश सरकार, युवा तथा खेलकुद मन्त्रालय अन्तर्गत प्रदेश युवा परिषद्ले पौष २० गतेसम्म उमाकुण्ड भित्रका सम्पूर्ण युवायुवतीहरूलाई लक्षित गरी उक्त सचेतना कार्यक्रम सञ्चालन गरिएको प्रदेश युवा परिषदकाे सदस्य छोटी लामाले बताइन् ।
प्रशिक्षक जीवन लामा, पुर्ण प्रताप केसी र ध्रुव आचार्यद्वारा सहजीकरण गरिएको उक्त सचेतना कार्यक्रममा उमाकुण्ड वडा नं. २ बाम्तीभण्डारका वडाअध्यक्ष खम्बाध्वज बस्नेत, वडा नं.३ कुम्बुँकास्थलीको वडाअध्यक्ष रमेशकुमार सुनुवार, प्रदेश युवा परिषदका सदस्य श्यामसुन्दर सिवाकोटी र छोटी लामा लगायत उपस्थिति रहेका थिए ।
यश कार्यक्रम पश्चात् पौष २० गतेदेखि तीन दिनसम्म चेलीबेटी बेचबिखन, महिला हिंसा, जातीय / लैङ्गीक विभेद र सुशासन सम्बन्धि तीन दिने अन्तरक्रिया कार्यक्रम पनि सञ्चालन गरिने प्रदेश परिषदका सदस्य लामाले जानकारी दिए ।
