रामेछाप । उमाकुण्ड १ गुम्लेलमा रहेको महालंगुर मा. वि. गुम्लेलमा विद्यालय व्यवस्थापन समिती पुनर्गठन गरिएको छ । नयाँ व्यवस्था अनुसार महालंगुर मा.वि.मा ९ सदस्यीय वि.व्य.स. गठन भएको हो ।
शिक्षा युवा तथा खेलकुद शाखाका प्रा.सा. ङावा शेर्पाको संयोजकत्वमा हिजो शनिबार भएको आम अभिभावकको भेलाले ङावातिण्डु शेर्पाको अध्यक्ष र अमृत बहादुर थापा सदस्य सचिव रहेको विव्यव पुनर्गठन गरेको हो ।
जसको सदस्यमा निमा शेर्पा दाेमासर्की शेर्पा, मिरेन्द्र बस्नेत महिला सदस्यहरुमा याङडु शेर्पा, मिना खत्री, आन्छी माया शेर्पा र शिक्षक सदस्यमा राम बहादुर भुजेल रहेको विद्यालयले जनाएको छ । नयाँ शिक्षा ऐन अनुसार विव्यस गठन प्रक्रिया पहिलेको भन्दा फरक छ ।
सामुदायिक विद्यालयको सञ्चालन, रेखदेख र व्यवस्थापन गर्न अभिभावकले आफूमध्येबाट छानी पठाएका दुई महिलासहित चार जना, सम्बन्धित वडा अध्यक्ष, संस्थापक, स्थानीय बद्धिजिवि चन्दादातामध्येबाट एक महिलासहित दुई जनासहित शिक्षक प्रतिनिधि र प्रधानाध्यापक रहेको व्यवस्थापन समिति गठन गर्नुपर्ने छ ।
त्यस्तै हिजो नै यमत बहादुर बस्नेत अध्यक्ष र ङाठिले शेर्पा सदस्य सचिव हुने गरी ११ सदस्यीय शिक्षक अभिभावक संघको पनि गठन गरिएको छ। जसमा दाेर्जी शेर्पा, नानीमैयाँ कार्की, नारायण बहादुर बस्नेत, यम कुमारी बस्नेत, दाडाेमा शेर्पा, पशुपति कार्की, नर बहादुर वि.क., ङावातिण्डु शेर्पा र अमृत बहादुर थापा सदस्य रहेका छन् ।
सम्पूर्ण नवगठित विव्यस तथा शिअसं पदाधिकारीहरूलाई बधाई सहित शुभकामना तथा निवर्तमान विव्यस तथा शिअसं पदाधिकारीहरूलाई सम्मान सहित बिदाई कार्यक्रम गरिएको शिक्षा शाखाका प्रा. सा. ङावा शेर्पा जानकारी दिए ।
