कांग्रेसले समाचार कक्षभित्रै प्रहरी परिचालन गरी पत्रकारलाई नियन्त्रणमा लिने कार्यशैलीले शाहीकालीन निरंकुशताको झल्को दिएको जनाएको छ । विगतमा सत्तामाथि प्रश्न उठाउने सञ्चारमाध्यमलाई शक्तिको दुरुपयोग गरी दबाउने प्रयास हुने गरेको स्मरण गराउँदै पार्टीले यस्ता गतिविधि पुनः दोहोरिनु लोकतान्त्रिक व्यवस्थाका लागि गम्भीर चिन्ताको विषय भएको उल्लेख गरेको छ ।