उता, दुई कोरियाबीचको सीमा तनावसमेत बढ्दै गएको छ । सेप्टेम्बरमा सीमाक्षेत्रमा बारुदी सुरुङ विस्फोट हुँदा दक्षिण कोरियाका तीन सैनिक घाइते भएका थिए । दक्षिण कोरियाले उत्तर कोरियामाथि सैन्य सीमाङ्कन रेखाको दक्षिणतर्फ सुरुङ बिछ्याएको आरोप लगाउँदै माफी माग्नुपर्ने बताएको छ ।

उत्तर कोरियाले भने उक्त घटनामा आफ्नो जिम्मेवारी अस्वीकार गर्दै प्रतिकारको चेतावनी दिएको छ । प्योङयाङले सीमाक्षेत्रमा प्रचारात्मक लाउडस्पीकर प्रसारण पुनः सुरु गर्ने तथा नयाँ हतियार तैनाथ गर्ने धम्कीसमेत दिएको छ ।

रासस/एपी