काठमाडौं । काठमाडौंको बसुन्धारामा कारको ठक्करबाट स्कुटरमा सवार दोलखा घर भएकी २७ वर्षीया युवती ङबुदि शेर्पाको मृत्यु भएको छ।
प्रहरीका अनुसार काठमाडौं महानगरपालिका–३ बसुन्धारामा भएको दुर्घटनामा गम्भीर घाइते भएकी शेर्पाको उपचारका क्रममा आइतबार दिउँसो ३ बजे मृत्यु भएको हो।
धादिङ घर भई हाल काठमाडौंको बालुवाटार बस्ने शान्ताकुमारी तामाङले चलाएको बा.प्र.०१–०२७ च ९७३६ नम्बरको कारले चक्रपथतर्फ आउँदै गरेको बा.प्र.०२–०६४ प ८९७५ नम्बरको स्कुटरलाई ठक्कर दिएको थियो। उक्त स्कुटर दोलखा घर भई हाल काठमाडौंको बुढानीलकण्ठ बस्ने सोमबहादुर थामीले चलाएका थिए।
दुर्घटनामा स्कुटर चालक थामी सामान्य घाइते भएका छन्। घटनापछि कार चालक तामाङलाई प्रहरीले नियन्त्रणमा लिएको छ भने दुर्घटनामा संलग्न दुवै सवारीसाधन प्रहरीको नियन्त्रणमा राखिएको छ।
प्रहरीका अनुसार कारलाई नेपाल प्रहरी प्रतिकार्य तथा तालिम केन्द्रमा पठाइएको छ। दुर्घटनाको कारणबारे थप अनुसन्धान भइरहेको प्रहरीले जनाएको छ।
नुम्बुर खबर
