भारतलाई हराउँदै नेपाल बन्यो साफ यू-१८ च्याम्पियन

0
SHARES
0
VIEWS

काठमाडौं : भुटानमा भएको अण्डर–१८ साफ च्याम्पियनसिपको उपाधि नेपालले जितेको छ । बुधबार भएको अन्तिम खेलमा चीर प्रतिद्वन्द्वी भारतलाई २–० ले हराउँदै नेपाल उपाधि जित्न सफल भएको हो ।

नेपालले खेलको दोस्रो मिनेटमा नै गोल गरी अग्रता बनाएको थियो । नेपालका दिनेश हेन्जनले गोल गरेका थिए । खेलको ३७ औँ मिनेटमा दिनेशले नै व्यक्तिगत दोस्रो गोल गरी नेपालको अग्रता दोब्बर बनाए । खेलको सुरुवात देखिनै भारतले नेपालमाथि लगातार आक्रमण गरिरहे पनि नेपालको कडा डिफेन्सका कारण गोल फर्काउन भने असमर्थ भयो ।

अण्डर–१८ साफ च्याम्पियनसिपमा नेपाल, भारत, बंगलादेश, भुटान र माल्दिभ्सको सहभागिता थियो । राउन्ड रोबिन लिगका आधारमा भएको प्रतियोगिता शीर्ष स्थानमा रहने टोलीले उपाधि जित्ने नियमका आधारमा नेपालले उपाधि जितेको हो । सुरुको खेलमा भुटानसँग १–० ले पराजित भएको नेपालले गत सोमबार बंगलादेशलाई २–१ ले हराएको थियो भने शुक्रबार माल्दिभ्सलाई २–० गोलले हराएको थियो ।

भारतसँगको निर्णायक खेलमा उत्कृष्ट प्रदर्शन गरी साविक विजेता (यू–१९ प्रतियोगितालाई यू–१८ को रूपमा परिमार्जन गरेकोले साविक विजेता भनिएको हो) नेपालले उपाधि रक्षा गर्न सफल भएको हो ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित