रामेछाप – जिल्लाको ६४ वटै वडामा पार्टी कार्यालय स्थापना गर्ने अभियान अन्तर्गत रामेछापको उमाकुण्ड गाउँपालिका वडा नं. २ मा नेपाली काँग्रेसको वडा कार्य समितिले आफ्नै वडा पार्टी कार्यालयको एक औपचारीक भेटघाट कार्यक्रमका साथ उद्घाटन गरेको छ ।
नेपाली काँग्रेस वडा कार्य समितिले आफ्नो निजी रुपमा प्रयोग गर्ने गरी नेपाली काँग्रेसको जिल्ला सभापति तथा उक्त कार्यक्रमका प्रमुख अतिथि पुर्ण बहादुर तामाङ(कान्छराम)द्वारा पार्टी कार्यालय उद्घाटन गरिएको हो।
नेपाली काँग्रेस पार्टीलाई बलियो तथा सुदृढिकरण गर्ने उद्देश्यका साथ उमाकुण्ड गाउँपालिकाको प्रत्येक वडा–वडामा नेपाली काँग्रेस पार्टी कार्यालय स्थापना गर्ने उद्देश्यका साथ नेपाली काँग्रेस रामेछापका सक्रिय नेता तथा कार्यकर्ताको पहलमा वडाहरूमा पार्टी कार्यालय स्थापना गर्दै आएको छ ।
नेपाली कंग्रेसका उमाकुण्ड २ नं. वडा पार्टी कार्यालय स्थापन गर्न नेपाली कंग्रेस महाधिवेशन प्रतिनिधि गेल्जे शेर्पा लामाले एक बर्षको भाडा बापत नगद रू २५ हजार सहित कम्प्युटर र प्रिन्टर सहयोग गर्नुभएको छ । साथै यस भेटघाट तथा उद्घाटन सम्बन्धी कार्यक्रमको सम्पूर्ण खर्च पनि महाधिवेशन प्रतिनिधि शेर्पाले नै व्यवस्था गरिएका छन् ।
कार्यक्रममा बोल्दै नेपाली कंग्रेसबाट स्थानीय चुनावमा उमाकुण्ड २ नं. वडाबाट जितेको वडा सदस्यहरूले यस वडा भित्रका बजेटमा अनियमितता भएको भन्दै वडा अध्यक्षको काम प्रति असन्तुष्टि व्यक्त गरेका छन् ।
आफू विद्यार्थी कालदेखि नेपाली कंग्रेसमा लागेको र अब फेरि आफ्नो काँधमा पार्टीले जिम्मेवारी दिएको कारण उमाकुण्डलाई कंग्रेसमय बनाउने गेल्जे शेर्पा(लामा)ले बताए । साथै यस ठाउँको विकासका लागि सरकारी स्तरमा कुरा उठाउने पनि शेर्पाले बताए ।
नेपाली कंग्रेस जिल्ला पार्टी सचिव विनोद कार्कीले निश्चितरूपमा अबको स्थानीय तहको चुनावमा नेपाली कंग्रेसलाई अन्य पार्टीसंग विजय गरि रामेछाप जिल्लाको विकासकाे निम्ति अगाडि बढी समुन्नत नेपाल सम्मानित नेपाली बनाउने अभियानलाई सफल बनाउन सबै पंक्तिलाई आग्रह गर्नुभयो ।
नेपाली कंग्रेस जिल्ला उपासभापति लेख बहादुर कार्कीले कार्यक्रममा बोल्दै नेपाली कंग्रेस धनी वर्गको पार्टी भएकोले नेपाली कंग्रेसमा एकपछि अर्को दानबीरहरूको जन्म लिइरहेकाे बताए । त्यसैले नेपाली कंग्रेस समृद्धि र समुन्नत नागरिक निर्माण गर्न सधैं अगाडि बढ्ने कार्कीले बताए ।
आफूलाई नेपाली कंग्रेसको जिल्ला सभापति बनाउन साथ दिनुभएकोमा धन्यवाद व्यक्त गर्दै पार्टी नेपाली कंग्रेस रामेछाप जिल्ला सभापति कान्छ राम तामाङले सवासद श्याम कुमार श्रेष्ठले नेपाल सरकारबाट आएको संवसद कोषको ५० करोड रूपैयाँ बजेट आफ्नो वडामा मात्र लगानी गरेको बताए । त्यसैगरी आगामी दिनमा सम्पूर्ण पार्टीलाई एक बनाएर अगाडि बढ्न इकाई सभापतिलाई आग्रह गर्दै अब बैशाख भित्र चुचुरे सम्म टेन्डर गरि सडक पिच गर्ने र तीन बर्ष भित्र बाम्तीभण्डार सम्म सडक पिच गर्ने प्रतिबद्धता व्यक्त गरे ।
उमाकुण्ड वडा नं. २ को इकाई सभापति चुडामणि श्रेष्ठको सभापतित्वमा भएको उक्त कार्यक्रममा नेपाली काँग्रेस जेष्ठ नागरिक सभाका केन्द्रीय सदस्य हिक्मत बहादुर कार्की, महाधिवेशन प्रतिनिधि गेल्जे शेर्पा(लामा) , जिल्ला कार्यसमिति उपसभापति लेखबहादुर कार्की, सचिब विनोद कार्की,महाधिवेशन प्रतिनिधिहरू झपट राज भण्डारी, बलबहादुर दमाई, उषा कार्कीको उपस्थिति रहेका थियोे ।
त्यस्तै नेपाली कंग्रेस जिल्ला कमिटी सदस्यहरू चिना कार्की, दुब्रा राज लामा, नारायण बोगटी, शिवबहादुर बस्नेत, उपेन्द्र खड्का लगायत उमाकुण्ड गाउँपालिका नेपाली कंग्रेस सभापति हिकमत बहादुर सुनुवार, गाउँपालिका उपाध्यक्ष उर्मिला कार्की बस्नेत, वडा अध्यक्ष रमेशकुमार सुनुवार सहित नेपाली कंग्रेस प्रदेश अधिवेशन प्रतिनिधिहरू र इकाई सभापति तथा क्रियाशील सदस्यहरू समेत उपस्थिति रहेका छन ।
नेपाली कंग्रेसमा आस्था भएका बाम्तीभण्डार बासीहरूको बाक्लो उपस्थिति रहेको सो कार्यक्रममा करिब एक सय पचास जना व्यक्तिहरूले अन्य पार्टी परित्याग गरि नेपाली कंग्रेसमा प्रवेश गरिएका छन् । पार्टी प्रवेश गर्नेहरूलाई प्रमुख अतिथिहरूले अबिर र फुलमाला लगाएर पार्टीमा स्वागत गरेका छन् ।
Discussion about this post