सोलुखुम्बुको लिखुपिकेमा कानून विपरीत ठेक्का, गाउँपालिका अध्यक्षको मनपरी

0
SHARES
0
VIEWS

सोलुखुम्बु जिल्लाको लिखुपिके गाउँपालिकाले आफ्ना ४ वटा वडा कार्यालयको भवन निर्माण गर्न गुपचुप ढंगबाट ठेक्का दिएको खुलासा भएको छ ।

सोलुखुम्बु । सोलुखुम्बु जिल्लाको लिखुपिके गाउँपालिकाले आफ्ना ४ वटा वडा कार्यालयको भवन निर्माण गर्न गुपचुप ढंगबाट ठेक्का दिएको खुलासा भएको छ ।

पालिका अध्यक्ष डम्बरबहादुर बस्नेतको प्रत्यक्ष निर्देशनमा प्राबिधिक र निमित्त प्रशासकीय अधिकृत लाई दबाब दिएर ठेक्का खोलिएको छ । कानून अनुसार गर्नुपर्ने विद्युतीय बोलकबोल (इबिडिङ) नगरी हार्डकपी मात्र पेश गर्न सुचना निकाल्न पनि अध्यक्षको चर्को दबाब रहेको पालिकाकै कर्मचारीले नाम नबताउने शर्तमा जानकारी दिएका छन । इबिडिङ गर्दा ठूला र परिपक्व फर्महरु समेत काम गर्न आउने भएकाले आफ्ना नेता कार्यकर्तालाई ठेक्का दिन समस्या हुने भएपछि पालिका अध्यक्षले कानुनकै धज्जी उडाएर सबै कुरामा हस्तक्षेप गर्न थालेपछि कर्मचारीहरु असन्तुष्ट बनेका छन् ।  महालेखाले बेरुजु निकाल्दा समेत बस्नेतले उल्टै महालेखालाई नै अख्तियारमा मुद्दा हाल्ने धम्की दिएको कर्मचारीहरु बताउँछन् । माओवादीबाट चुनाव जितेर अध्यक्ष बनेका बस्नेतले आफू अर्को कार्यकाल पार्टी फेरेर भए पनि अध्यक्ष दोहोरिने दावी गर्दै कर्मचारी र अन्य जनप्रतिनिधिलाई दवाब दिने गरेका छन् ।

उता गाउँपालिकाको वडा नम्बर २ का वडाअध्यक्ष रमेशकुमार बस्नेतले पनि पालिका अध्यक्षको छत्रछायाँमा वडाकार्यालयको जग्गा प्राप्ति र सडक निर्माणको रहक हिनामिना गरेका छन् । साबिक गोलि गाबिस वडा नम्बर ३ मा रहेको अम्बिका बस्नेतको नाममा रहेको कि.न २७ कित्ताकाट गरि १ रोपनी र अर्का जग्गा धनी इन्द्र बहादुर बस्नेतको नाममा रहेको कित्ता नम्बर २८ कित्ताकाट गरि २ रोपनी जग्गाको मुल्यांकन २ लाख र ४ लाख राखी मालपोत कार्यालय सोलुखुम्बुमा र.न १३५५ र १३५६ मिति २०७५÷११÷१५ मा  दानबकस पास गरेको जग्गालाई खरिद गरीएको भन्दै पालिकाबाट ८ लाख निकासा लिएको पाइएको छ । आ.ब २०७५÷७६ को काफ्लेचौर, रातमाटे , बुद्ध माबी हुँदै मैली दोभान जाने सडक निर्माण शिर्षकमा ३० लाख रकममा ठेक्का घटाघटमा हाल्दा मौज्दात रहेको रकम मध्ये ८ लाख रकमले शिर्षक संसोधन गरि जग्गा खरिदमा छुटाएको प्रमाण फेला परेपछी यो कुरा बाहिर आएको हो ।

हाल सो बिबादास्पद जग्गामा भवन बनाउने भन्दै १८ गतेसम्मको समयसीमा दिएर ठेक्का खुलाएपछी यसमा भएको मिलेमतो बाहिरीएको हो । वडाध्यक्ष र पालिका अध्यक्षको गलत कदम एक पछि अर्को गर्दै बढ्न थालेपछि कर्मचारी र अन्य जनप्रतिनिधिले अब आफूहरु चूप लागेर नबस्ने चेतावनी दिएका हाम्रो खबरमा उल्लेख छ ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित