रामेछाप । हिमाली भूभागमा बसोबास गर्ने शेर्पा जातिको परम्परागत भाषा, धर्म, भेषभुषा, रीतिरिवाज, कला, संस्कार, संस्कृतिको मूल्य मान्यताहरूलाई सदैव जीवन्त राख्दै शेर्पा जातिको संस्कार संस्कृतिलाई संरक्षण तथा सम्बर्द्धन गर्ने उद्धेश्यका साथ स्थापन भएको हिमालयन शेर्पा संस्कृतिक केन्द्र रामेछापको पहिलो अधिवेशनको उद्घाटन सत्र सम्पन्न भएको छ ।
“शेर्पा समुदायको संस्कृति राष्ट्रको निधि” भन्ने नारा सहित रामेछापको गोकुलगंगा-२, डाँडागाउँमा भएको पहिलो अधिवेशनवाट एक जना अध्यक्ष सहित २५ सदस्यीय नयाँ कार्यसमिति गठन गरिने भएको छ । जसमा उमाकुण्डको गुम्देल, कुम्बुकास्थली, बाम्तीभण्डार र गोकुलगंगाबाटा चयन हुने भएको छ । सबै काम सकिएकाले हिउँ पर्दा समय र मौसम कारण नयाँ कार्यसमिति घोषण आगामी पौष १३ गते बैठकले तय गरिने संस्थाका सचिव ल्हाक्पा साङ्गे शेर्पाले बताए ।
हिमालयन शेर्पा संस्कृतिक केन्द्र जिल्ला शाखा रामेछापको प्रथम अधिवेशनको बन्द सत्र सुरु हुनु अघि भएको उद्घाटन सत्रको उद्घाटन नेपाल शेर्पा संघ जिल्ला कार्यसमिति रामेछापको अध्यक्ष नुरी शेर्पाले गर्नुभयो । कार्यक्रम उक्त शेर्पा संस्कृतिक केन्द्र रामेछापका अध्यक्षको सभापतित्वमा सुरु भएको थियो ।
भव्य संस्कृतिक कार्यक्रमको बीच सम्पन्न भएको अधिवेशन कार्यक्रममा आसन ग्रहणको कार्यक्रम भएपछि क्रमश उपस्थित सवै अतिथिहरुले आ आफ्नो मन्तव्य राख्नुभएको थियो ।
कार्यक्रममा शेर्पा समुदायको सांस्कृतिक नाच स्यब्रु, शिली, यिटु प्रस्तुत गरिएको थियो । कार्यक्रममा महासचिवको प्रगति विवरण र कोषाध्यक्षको आर्थिक प्रतिवेदन पेश गरिएको थियो । साथै कार्यक्रममा उपस्थित अतिथिहरूले संस्थाको तर्फबाट माया चिनो उपहार प्रदान गर्नुभएको थियोे ।
कार्यक्रममा उपस्थित अतिथिहरुले अधिवेशनको सफलता र नयाँ कायसमितिमा आउनेहरुको लागि अग्रिम शुभकामना दिनुभएको थियो भने अन्त्यमा सभापतिले सभा विसर्जन गरी कार्यसमिति भंग गरी बन्द सत्र सुरु गरिएको थियो ।
कार्यक्रममा नेपाल शेर्पा संघ जिल्ला कार्यसमितिका अध्यक्ष नुरी शेर्पा, कोषाध्यक्ष कर्मारिन्जी शेर्पा, सहसचिव नुर्बु शेर्पा, निवर्तमान अध्यक्ष ङातेम्बा शेर्पा, उमाकुण्ड गाउँपालिका अध्यक्ष पेमनुरी शेर्पा, नेपाल शेर्पा विद्यार्थी संघ रामेछापका अध्यक्ष पासाङ दिकु शेर्पा लगायत विभिन्न संघ संस्थाका प्रतिनिधि र शेर्पा समुदायहरुको उपस्थिति रहेको थियो ।
Discussion about this post