एम.भि दुगर्ड ग्रुपले आयोजना गरेको निशुल्क आँखा शिविर फलदायिक मोतियाविन्दुको सल्यकृया हुदै

रामेछाप । एम.भि. दुगर्ड ग्रुप (हाइड्रो डिभिजन)ले हालै रामेछाप जिल्लाको उमाकुण्ड र गोकुलगंगा गाउँपालिका तथा सोलुखुम्बु जिल्लाको लिखुपिके गाउँपालिकामा ६ दिने निःशुल्क बृहत स्वास्थ्य शिविर सम्पन्न गरेको छ ।

पौष १३ देखि १८ गतेसम्म निःशुल्क आँखा शिविर र मोतिबिन्दु अपरेशन सम्बन्धि स्वास्थ्य शिविर राखिएकोमा लगभग कूल आठ सय जना आँखाका बिरामीले स्वास्थ्य परीक्षण गराएका थिए ।

सो मध्ये हिजो सोमबार १७ जना र आज १९ जना आँखाको विरामीले लिखुपिके ५ मा पर्ने हाइड्रो डिभिजन कार्यालय किन्जा हाउजिङको शिविर स्थलमै मोतिबिन्दुको अपरेशन गरिएको थियो भने बाँकीको भोलि पनि अपरेसनको लागि बोलाएको आयोजक टिमले जानकारी दिएका छन । शिविरमा ११७ जना सेवाग्राहीलाई मेतिबिन्दुको अपरेसन गर्नुपर्नेमा उक्त अपरेशनका लागि अस्ट्रेलियाको डिएके फाउन्डेसन पार्टनरस् फर इक्युटीले आर्थिक सहयोग गर्ने छ ।

नेपाल नेत्रज्योति संघ,कीर्तिपुर आँखा अस्पताल तथा अध्ययन केन्द्रको सहकार्यमा एम भि दुगड ग्रुप हाइड्रो डिभिजनले आयोजना गरिएको शिविरमा नेपालकै बरिस्ठ नेत्र विशेषज्ञ डाक्टर एरिक बैध, डाक्टर मुकेश पाण्डे र राजेश्वरी तण्डुकार सहितको टिमले अप्रेसन सुरु गरिएको एमभी दुगट ग्रुप जनसम्पर्क अधिकृत रोकट बस्नेतले बताए ।

लिखु हाइड्रोबाट प्रभाबित क्षेत्रका स्थानीय नागारिकहरुलाई सेवा दिने उद्धेश्य लिएर सञ्चालन गरिएको उक्त शिविरमा भोलि बुधबार उमाकुण्डको गुम्देल, लिखुपिकेको गोली र चौलाखर्कका मोतिबिन्दु बिरामीहरूका अपरेशन गरिने आयोजकले जानकारी दिए ।