जयदिप मगर। नेपाली कंग्रेस महाधिवेशन प्रतिनिधि गेल्जे लामाले मंसिर ४ गतेको निर्वाचनमा रामेछापमा बाम लोकतान्त्रिक गठबन्धनका उम्मेदवारले चुनाव जिते बाम्तीभण्डार सम्म सडक पिच हुने बताएका छन् ।
रामेछापको उमाकुण्डस्थित बाम्तीभण्डारमा आयोजना गरिएको चुनावी सभालाई सम्वोधन गर्दै लामाले रामेछाप बासीहरूले २०४६ साल देखि आज सम्म यहाँका जनताले खोजे जस्तो जनप्रतिनिधि नपाएको र यहाँका समृद्धि र विकासको लागि गठबन्धनको जित आवश्यक रहेको बताए ।
विगतको दिनहरूमा चुनाव जितेका नेताहरू भोट माग्ने समयमा मात्रा जनताको घरदैलोमा आउने परिपाटीको कारण पुनः अर्को पटकको चुनावमा मुख लुकाएर हिड्ने गरेको बताए ।
समाजसेवी भावनाले आफूले रामेछापको उमाकुण्ड र गोकुलगंगाका १३ वटा विद्यालयका लगभग २ हजार विद्यार्थीहरूलाई पोसाक वितरण गर्दै आएको र गुम्बा तथा मठ मन्दिरहरूमा पनि आर्थिक सहयोग गर्दै आएको उहाले बताए ।
गत आर्थिक बर्षको बजेटमा प्रदेश सरकार मार्फत आफूहरूले रोसी सडकमा ८० लाख एकनागी सडकमा ८० लाख र थोदुङ्ग बाम्ती सडकमा ३० बराबरको बजेट विनियोजन गर्न आफूहरू सफल भएको बताए ।
आगामी दिनमा यस क्षेत्रकाे विकासका लागि दिनरात निरन्तर खटिने भन्दै उमाकुण्डको मध्यमार्गी सडक र अन्य विकासका काममा आफ्नो ध्यान जाने लामाले प्रतिबद्धता जाहेर गरे।
पाँच बर्षका लागि आफ्नो भाग्य कोर्ने अवसर आफ्नै हातमा आएको भन्दै लामाले गठबन्धनका उम्मेदवारलाई भोट दिन सबैलाई अपिल गरे ।
कार्यक्रममा नेपाली कंग्रेस र नेकपा माओवादीका अन्य पार्टी प्रतिनिधिहरूले गठबन्धनको पक्षमा मत मागेका थिए ।
Discussion about this post