रातोतारा युवा क्लब र अमेरिकन गुम्देल ट्रस्टको संयुक्त अन्तरक्रिया तथा छलफल कार्यक्रम सम्पन्न

0
SHARES
0
VIEWS

रामेछाप । रातोतारा युवा क्लबले अमेरिकन गुम्देल ट्रस्ट र वडा कार्यालय गुम्देलसँग स्थानीय विकासमा गैरसरकारी संघसंस्थाको भूमिका बिषयक वडा स्तरीय संयुक्त अन्तरक्रिया तथा छलफल कार्यक्रम बिहीबार सम्पन्न गरेको छ ।

 

यस अन्तरक्रियामा स्थानीय जनप्रतिनिधि, ट्रस्टका पदाधिकारी, क्लबका पदाधिकारी, ज्येष्ठ नागरिक, शिक्षक, समाजसेवी, बुद्धिजीवी लगायत विभिन्न संघ संस्थाका प्रतिनिधिहरुको सक्रिय सहभागिता रहेको थियो ।

बैठकमा गैरसरकारी संघ संस्थाको काम, कर्तव्य र अधिकार सम्बन्धि विभिन्न विषयवस्तुहरु माथि छलफल तथा अन्तरक्रिया गरिएको थियो । गैरसरकारी संघ संस्थाले विकास गर्दा स्थानीय निकायसंग समन्वय गर्नुपर्ने, आर्थिक तथा भौतिक विकास गर्दा पारदर्शी हुनुपर्ने, विभिन्न निकायमा बजेट विनियोजन गर्दा आवश्यकताको पहिचान गर्नुपर्ने, हरेक विकासमा स्थानीयको पहुँच पुर्याउनु पर्ने लगायतका सवालहरुमा गहन छलफल भएको थियो ।

 

बैठकमा दुई वटै संस्थाहरु रातोतारा युवा क्लब र अमेरिकन गुम्देल ट्रस्टका अध्यक्षहरू क्रमशः कर्मारिन्जी शेर्पा र ल्हाक्पा तेन्जी शेर्पा तथा उमाकुण्ड गाउँपालिका १ नं. वडा कार्यालय गुम्देलका वडा अध्यक्ष नुर्बु शेर्पाको सहभागिता रहेको थियो । यसै गरी क्लबको वरिष्ठ उपाध्यक्ष रिन्जी लामा, सचिव ङापेम्बा शेर्पा, सहसचिव सोनाम शेर्पा, अमेरिकन गुम्देल ट्रस्टको सदस्य ङिमागेल्जेन शेर्पा, वडा सदस्यहरू कर्मा वङ्छु शेर्पा, इश्वरी कार्की लगायत अन्य संघसंस्थाका प्रतिनिधिहरुको सहभागिता रहेको थियो ।

रामेछापको उमाकुण्ड-१, गुम्देलमा आयोजित उक्त अन्तरक्रिया तथा छलफल कार्यक्रमलाई सम्बोधन गर्दै अमेरिकन गुम्देल ट्रस्टका अध्यक्ष ल्हाक्पा तेन्जी शेर्पाले अमेरिकमा रहेको गुम्देल बासीले आफ्नो गाउँको विकासका लागि दैनिक एक डलर जम्मा गरि हाल सम्म ४८ लाख गुम्देलकाे विकासकाे निम्ति पठाइसकेको र आगामी दिनमा समावेशी र पारदर्शी रूपमा क्लबको अगुवाइमा काम गर्न आग्रह गर्नुभयो ।

त्यसैगरी अमेरिकन गुम्देल ट्रस्टका सदस्य ङिमा गेल्जेन शेर्पाले आयोजक संस्था रातोतारा युवा क्लबलाई धन्यबाद दिँदै संस्थामा रहेर काम गरिरहेका विभिन्न क्लबका पदाधिकारीहरुको प्रशंसा गर्दै स्थानीय विकासका लागि मर्यादित र जिम्मेवार भएर काम गर्न पदाधिकारीको आवश्यकता रहेको बताउनु भयो । आगामी दिनमा क्लबसंगको सहकार्यमा पुरातात्त्विक महत्त्व बोकेको पुरानो शिलालेख माने संरक्षण गर्न आर्थिक सहयोग गर्ने बताउनुभयो ।

कार्यक्रममा वडा अध्यक्ष नुर्बु शेर्पा, वडा सचिव सूर्यबहादुर बस्नेत, वडा प्राविधिक ङिमा शेर्पा, एमवि दुगर्ड हाइड्रोपावरको प्रतिनिधि भिमसेन बस्नेत, समाजसेवी तथा बुद्धिजीवी छिरी शेर्पा, मिरेन्द्र बस्नेत लगायतले गैरसरकारी संघसंस्थाका समस्या, चुनौती र अनुभवहरू राख्नु भएको थियो ।

कार्यक्रममा आगामी दिनमा रातोतारा युवा क्लबको नेतृत्वमा अमेरिकन गुम्देल ट्रस्ट र दातृ संस्थाको आर्थिक सहयोगमा स्थानीय सरकारसंग सहकार्य गरी उमाकुण्ड गाउँपालिका वडा नं. १ गुम्देलका स्थानीय बासिन्दाहरूका सल्लाह सुझाव बमोजिम आवश्यकता पहिचान सहित परियोजना प्रस्ताव तयार गरि विकास निर्माण कार्य सञ्चालन गर्ने तीन पक्षीय निर्णय गरिएको छ ।

साथै क्लबले गर्दै आएको कामहरु आउदो दिनहरूमा अमेरिकन गुम्देल ट्रस्टको सल्लाह सुझाव बमोजिम सत्य तथ्य निष्पक्ष र पारदर्शी भइ विकासका अति आवश्यकताका सवालहरुलाई समेटिएर अघि बढ्ने क्लबको तर्फबाट प्रतिबध्दता जनाउनुभयो ।

 

 

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित