रामेछाप । रामेछापको उमाकुण्ड १, पत्करीमा वडा अध्यक्ष नुर्वु शेर्पाको प्रमुख आतिथ्यमा नवनिर्मित शिव पार्वतीको मन्दिर उद्घाटन गरिएको छ ।
नवनिर्मित मन्दिरमा ललितपुर निबास पण्डित शेखर पौडेल, उहाँको छोरा प्रभाकार रिजाल र स्थानीय पण्डितहरूद्वारा बिहीबार रुद्र पुजा आयोजना गरिएको छ ।
झन्डै तीन रोपनी क्षेत्रफलमा निर्मित शिव पार्वती मन्दिरलाई स्थानीयवासी अमृता बहादुर कार्कीले जग्गा दाना गरिएको छ भने उमाकुण्ड गाउँपालिका १ नं. वडा कार्यालय गुम्देल र स्थानीयबासीको विशेष आर्थिक सहयोगमा मन्दिर निर्माण गरिएको हो ।
स्थानीय सरकारको तीन लाख र अमेरिकन गुम्देल ट्रस्टबाट पाच लाख आर्थिक सहयोग तथा एम वि दुगर्ड हाइड्रोपावरबाट निर्माण सामाग्री प्राप्त गरि नवनिर्मित मन्दिरको लागि ललितपुरकाे शेखर पौडेलको छोराले गजुर, घण्टी र शिव लिङ्गको सहयोग गरिएको शिव पार्वती मन्दिर संरक्षण समाजको अध्यक्ष अमृता बहादुर कार्कीले बताउनुभयो ।
कार्यक्रम सम्बोधन गर्दै वडा अध्यक्ष शेर्पाले सबै धर्मको सार एउटै हो त्यसैले कुनै पनि धर्मलाई भेदभाव गर्नु नहुने बताउनुभयो । त्यस्तै अमेरिकन गुम्देल ट्रस्टको अध्यक्ष ल्हाक्पा तेन्जी शेर्पाले मन्दिर उद्घाटन संगै सबै पत्करी बासीसंग भेटघाट र खुसी सट्ने अवसर पाएको बताउनुभयो ।
सोही कार्यक्रममा बोल्ने क्रममा ट्रस्टका सदस्य ङिमा गेल्जेन शेर्पाले आपुरो कार्यक्रमलाई सम्पन्न गर्न निरन्तर सहयोग गर्ने बताउनुभयो । बर्षायममा सडक बिग्रेको कारण मन्दिर समयमा बनाउन नसकेको भन्दै मन्दिर संरक्षण समाजका अध्यक्ष कार्कीले मन्दिर बनाउन आर्थिक र भौतिक सहयोग गर्ने महानुभवहरूलाई धन्यवाद दिएको थियो ।
गाउँको बीचमा शिव पार्वतीको मन्दिर बनेपछि कुनै पनि धर्म कार्य गर्न सजिलो भए भन्दै स्थानीय बासिन्दाहरू खुसी भएका छन् ।
Discussion about this post