महालंगुर माविको नवनिर्मित भवन उद्घाटन तथा हस्तान्तरण (फोटोफिचर सहित)

0
SHARES
0
VIEWS

रामेछाप । रामेछाप जिल्लाको उमाकुण्ड गाउँपालिका वडा नं. १ गुम्देलमा रहेको श्री महालंगुर माविको नवनिर्मित बाह्र कोठे भवन उद्घाटन तथा हस्तान्तरण कार्यक्रम सम्पन्न भएको छ । शनिबार बागमती प्रदेश सभा सदस्य माननीय शान्ति प्रसाद पाैडेलले विद्यालय प्रांगणमा आयोजित एक कार्यक्रमका बीच उक्त नवनिर्मित भवन उद्घाटन तथा हस्तारन्तरण गरेका हुन् ।

२०७२ साल बैशाख १२ गतेको विनाशकारी भूकम्पबाट उक्त विद्यालयको भवन क्षतिग्रस्त भएकोमा एसियाली विकास बैंक(एडीबी)को अनुदानद्वारा पुनर्निर्माण गरिएको थियो ।

कार्यक्रमलाई सम्बोधन गर्दै माननीय सांसद शान्ति प्रसाद पौडेलले बिद्यालयमा ठुलाठुला भवनहरु निर्माण भएको र उक्त विद्यालयमा लगनशील शिक्षक र अनुशासित विद्यार्थी भएमात्र राम्रो शिक्षा हासिल गर्न सकिने बताए । साथै सिमा विवाद रहेको रामेछाप र सोलुखुम्बुको सिमानामा पर्ने मैदाने, दुधुलेमा छिटै मालपोत कार्यालयबाट नापी गर्ने तयारी भएको जानकारी दिए ।

त्यसैगरि उमाकुण्ड गाउँपालिकाको प्रमुख शेर बहादुर सुनुवारले शिक्षा शाखासंग समन्वय गरेर विद्यालयमा कार्यरत बाल विकास सहजकर्ता, विद्यालय कर्मचारी तथा लेखापालकाे नेपाल सरकारले ताेकेकाे न्यूनतम पारिश्रमिक दिने व्यवस्था गर्ने र क्रमश शिक्षा क्षेत्रको आवश्यकता पूरा गर्दै जाने प्रतिबद्धता जाहेर गरे ।

गाउँपालिका उपाध्यक्ष उर्मिला कार्की बस्नेतले भोट नदिएकै कारण माननीयसंग पटकपटक गुम्देलको बिषयमा माग राख्दा पनि बेवास्ता गरेको र भाषणले भन्दा काम गरेर देखाउनु पर्ने बताए ।

उमाकुण्ड गाउँपालिकाकाे शिक्षा, युवा तथा खेलकुद शाखाका प्रा.स ङावा शेर्पाले उमाकुण्डकाे भौगोलिक अवस्था फराकिलो र टाढा टाढा मानव बस्ती भएको कारण यस क्षेत्रमा अबासीय विद्यालयको अवधारणा ल्याउनु पर्ने बताए ।

विद्यालयको प्रधानाध्यापक दोमासर्की शेर्पाका अनुसार हाल बनेको भवनहरुमा कक्षा कोठाको लागि आइसिटी र पुस्तकालय सहितको १ वटा बाह्र कोठाको भवन निर्माण भएको छ । त्यसैगरि छात्रा।छात्रको लागि अत्याधुनिक शौचालय १ वटा र शिक्षक क्वाटर १ वटा निर्माण सम्पन्न भएको छ ।

पुनर्निमिर्तत उक्त भवन करिब ७ करोडमा निर्माण भएको प्रधानाध्यापक शेर्पाले जानकारी दिए । शेर्पाका अनुसार हाल उक्त विद्यालयमा २ सय १४ जना विद्यार्थीहरु अध्ययनरत छन् । २०१८ सालमा स्थापना भएको उक्त विद्यालय उमाकुण्ड गाउँपालिका १ नं. वडा गुम्देलको पहिलो स्रोत विद्यालय हुन् ।

कार्यक्रममा नेकपा एमाले रामेछापका सचिव, वडा अध्यक्ष नुर्बु शेर्पा, राजनीतिक दलका पाटी प्रतिनिधि, विभिन्न विद्यालयका प्रधानाध्यापकहरु,लगायत विद्यार्थी र अभिभावक सहभागीता रहेका थिए । कार्यक्रममा विद्यालयका विद्यार्थीहरुले भव्य रूपमा विभिन्न गीत संगीत तथा नृत्य प्रस्तुत गरेका थिए ।

साथै विद्यालयकाे भाैतिका र शैक्षिक पक्षमा सुधारका लागि विद्यालय जग्गादाता तथा पूर्व प्र.अ. आङ निमा शेर्पा, आर्थिक सहयोग पुर्याउने संस्था अमेरिकन गुम्देल ट्रस्ट र ट्रस्टका अध्यक्ष ल्हाक्पतेन्जी शेर्पा, ङिमागेल्जे शेर्प, पेम्बा शेर्पा लगायत विभिन्न व्यक्तिलाई उक्त कार्यक्रममा सम्मान पत्रद्वारा सम्मान गरेको थियोे ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित