सोलुखुम्बु । स्थानीय जनश्रमदानबाट सोलुखुम्बुको लिखुपिकेमा २०७२ सालको महाबिनाशकारी भुकम्पले क्षतिग्रस्त बनाएको पुरातात्त्विक महत्त्व बोकेको बौद्ध स्तुपाको पुनर्निर्माण गरिएको छ ।
क्षतिग्रस्त बौद्धको लामो समय सम्म सरकारी निकायबाट पुनर्निर्माणमा कुनै पनि चासो नदिए पछि हाल अमेरिक बस्नु भएको स्थानीय दावा नुर्बु शेर्पाको पहलमा काम सुरुवात गरिएको कामी ङिमा शेर्पा जानकारी दिनुभयो ।
स्थानीय बासिन्दाहरूको आर्थिक सहयोगमा पुनर्निर्माण भएको बौद्ध स्तुपाको हिजो लामा गुरु र स्थानीयहरूले रम्ने तथा उद्घाटन गरिएको थियोे । उक्त बौद्ध स्तुपा पुनर्निर्माण भएपछि गाउँकै शोभा बढेको स्थानीयहरू बताउँछन् ।
यस अगाडि पनि लिखुपिकेको गोलिमा स्वदेश तथा विदेशबाट स्थानीय बासिन्दाको आर्थिक सहयोगमा उर्गेन सागाक छ्योलिङ गुम्बाको पुनर्निर्माण भएको स्थानीय कामी ङिमा शेर्पाले जानकारी दिनुभयो ।
अझै पनि लिखुपिकेमा भुकम्पले क्षति पुर्याएका विभिन्न बौद्ध गुम्बाहरूको पुनर्निर्माण गर्नु धेरै कार्यहरू बाँकी रहेको छन् । त्यसैले स्थानीय निकाय तथा सरकारबाट पनि यसको पुनःनिर्माणका लागि आवश्यक बजेट विनियोजन गर्नुपर्ने खाचो देखिएको स्थानीयहरूको गुनासो रहेको छ ।
Discussion about this post