नुम्बुर खबर अनलाइन पत्रिका ,मंसिर २३। नेपालमा पहिलो पटक भएको प्रदेश र प्रतिनिधि सभा निर्वाचनको पहिलो चरण मंसिर १० गते ३२ जिल्ला र दोस्रो चरणमा मंसिर २१ गते ४५ जिल्ला भएको थियोे ।
यस बर्षा प्रदेश र प्रतिनिधि सभाको निर्वाचनमा ५९ दलले भाग लिएको थियो भने करिब एक करोड ५५ लाख मानिसले निर्वाचनमा मतदान गरेको थियोे ।
उक्त निर्वाचनबाट प्रतिनिधि सभाको प्रत्यक्ष तर्फ १६५ सांसद निर्वाचित हुनेछ भने समानुपातिक तर्फ ११० जना सांसद निर्वाचित हुने व्यवस्था रहेको छ । जसमा सामान्य बहुमत ल्याउन १३८ सिट जित्नु पर्ने देखिन्छ भने दुई तिहाइ बहुमत ल्याउन १८४ सिट जित्नु पर्नेछ ।
त्यस्तै प्रदेश सभाको प्रत्यक्षबाट ३३० सांसद र समानुपातिकबाट २२० जना सांसद निर्वाचित हुने व्यवस्था रहेको छ ।
प्रतिनिधि सभामा प्रत्यक्ष र समानुपातिक निर्वाचन प्रणालीबाट २७५ जना सांसद हुनेछ भने प्रदेश सभामा प्रत्यक्ष र समानुपातिक निर्वाचनबाट ५५० जना सांसद सहित प्रदेश र प्रतिनिधि सभाबाट कुल ८२५ जना सांसद निर्वाचित हुने व्यवस्था रहेको छन्। यस बर्षा थ्रस होल्डको कारण राष्ट्रिय दल भन्न तीन प्रतिशत अर्थात कम्तिमा १ सिट ल्याउनु पर्ने छ ।
केन्द्रमा प्रतिनिधि सभाबाट निर्वाचित सांसदहरूबाट बढीमा २५ जनाको प्रधानमन्त्री सहित मन्त्रिपरिषद्को गठन हुने व्यवस्था छ भने प्रदेशमा प्रदेश सभाबाट निर्वाचित सांसदहरूबाट कुल संख्याको बीस प्रतिशत भन्दा बढी नहुने गरि मुख्य मन्त्री सहित प्रदेश मन्त्रिपरिषद्को गठन हुनेछ ।
सात वाटै प्रदेशमा एक एक वाट प्रत्येक प्रदेशको छुट्टै सांसद भवन र सचिवलय हुनेछन् भने केन्द्रीय स्तरमा एउटा सांसद भवन र सचिवलय रहने छ । नेपालमा संघ, प्रदेश र स्थानिय गरि तीन तहको राज्य संरचना हुनेछ ।
Discussion about this post