गुम्देलमा खुल्ला अन्तर वडा स्तरीय पुरूष भलिबल प्रतियोगिता सुरू

रामेछापको उमाकुण्ड १ गुम्देलमा रातोतारा युवा क्लबको आयोजना तथा १ नं. वडा कार्यालय गुम्देलको प्रयोजनमा खुल्ला अन्तर वडा स्तरीय भलिबल प्रतियोगिता उद्घाटन गरिएको छ । आज शुक्रबार एक कार्यक्रमका बीच वडा अध्यक्ष नुर्बु शेर्पाले उद्घाटन गर्नुभएको हो । फागुन ३० गते सोमबारसम्म सञ्चालन हुने चारदिने प्रतियोगितामा आठ ओटा समुहको सहभागीता  रहेको छ ।

उक्त प्रतियोगिताको विजेता टिमले ८० हजार पुरस्कार सहित शिल्ड मेडल र प्रमाणपत्र पाउने छ भने अन्य उपविजेता र सेमिफाइनलमा प्रवेश गर्ने टिमलाई क्रमशः ६० हजार ४० हजार र २० हजार सहित सिल्ड, मेडल, प्रमाण–पत्रको व्यवस्था गरिएको छ ।

क्लबका अध्यक्ष कर्मारिन्जी शेर्पाको अध्यक्षतामा भएको कार्यक्रममा १ नम्बर वडाका अध्यक्ष नुर्बु शेर्पाको प्रमुख आतिथ्यता र उमाकुण्ड कार्यपालिका सदस्य नुर्बुको विशेष आतिथ्यता रहेको थियोे । क्लबका सचिव ङापेम्बा शेर्पाको स्वागत मन्तव्य रहेको कार्यक्रमको सञ्चालन शिक्षक राजेन्द्र बस्नेतले गर्नुभएको थियो ।

आज भएका प्रतियोगिता अन्तरगत पहिलो दिन भएका २ खेलमा आयोजक ए भर्सेज सनसाइन युवा समुह र लिखुपिके-५ भर्सेज प्रगतिशील युवा क्लब बीच सुरुवात गरिएका छन्। जसमध्ये समुह चरणको पहिलो खेलमा आयोजक रातोतारा युवा क्लब र प्रगतिशील युवा क्लबले बिजयी सुरुवात गरेको छन ।

नुम्बर मिडिया सर्भिसद्वारा सञ्चालित नुम्बुर खबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई numburkhabar@gmail.com मा पठाउनु होला।