भलिवल प्रतियोगिता सम्पन्न, उपाधि आयोजक कुम्बुकास्थलीलाई

0
SHARES
0
VIEWS

रामेछाप –चैत्र-२६/ रामेछापको उमाकुण्ड-३, कुम्बुँकास्थलीमा वडास्तरीय भलिबल प्रतियोगिता सम्पन्न भएको छ ।

गाउँपालिकाको वडा नम्बर ३ को एकाङ्ग धोविटार खेल मैदानमा वडा कार्यालय र कुम्बुँकास्थली खेलकुद तथा साँस्कृतिक ब्यबस्थापन समितिको आयोजनामा चैत्र २४ गतेदेखि जारी प्रतियोगिता शनिबार सम्पन्न भएको हो ।

जारी प्रतियोगितामा आयोजक उमाकुण्ड-३ ले प्रथम स्थान हासिल गर्दै उपाधि हात पारेको छ । यस्तै वाड नंं.१ गुम्देल उपविजेता बनेको छ ।

प्रथम स्थान हासिल गरेको आयोजक उमाकुण्ड-३ ले ५० हजार १ सय ५ रुपैया नगत सहित ट्रफी मेडल र प्रमाणपत्र प्राप्त गरेको छ ।

उपविजेता बनेको गुम्देलले ३० हजार १ सय ५ रुपैया ट्रफी मेडल र प्रमाणपत्र प्राप्त गरेको छ । यस्तै रातोतारा युवा क्लब गुम्देलले तृतीय स्थान हासिल गरेको छ ।

रातोतारा युवा क्लब गुम्देलले २० हजार १ सय ५ रुपैया, ट्रफी मेडल र प्रमाणपत्र प्राप्त गरेको छ भने सान्त्वना हुने आयोजक बी कुम्बुकास्थालीले १० हजार १ सय ५ रूपैयाँ प्राप्त गरेको छ ।

प्रतियोगितामा ९ वटा टिमको सहभागिता रहेको थियो । साथै राष्ट्रिय स्तरको कलाकारहरूद्वारा बृहत साँस्कृतिक कार्यक्रम गरिएको थियो ।

उक्त खेलकुद तथा संस्कृति कार्यक्रममा लोक साँस्कृतिक सम्बन्धि नृत्य प्रतियोगिता पनि सञ्चालन गरिएको थियो जसमा प्रथम, द्वितीय, तृतीय र सान्त्वना हुने समुहलाई क्रमश २० हजार, १५ हजार, १० हजार र ५ हजार सहित प्रमाणपत्र प्रदान गरिएको थियोे ।

कार्यक्रममा जनप्रतिनिधि, राजनीति दल, विभिन्न संघ संस्थाको प्रतिनिधि लगायत आम सर्वसाधारण नागरिकहरूको बाक्लो उपस्थित रहेका थिए।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित