सन्राइज बैंकले हामी सबै मिलि “सफा बनाउँ हाम्रो गाँउशहर” भन्ने मुलनारा सहित बजार क्षेत्रमा वितरण गर्यो डस्ट्बिन

रामेछाप । सन्राइज बैंक लिमिटेड बाम्ती शाखाले संस्थागत सामाजिक उत्तरदायित्तव कार्यक्रम अन्तर्गत रत्नज्योति बजार क्षेत्र, स्कुल र मन्दिर लगायत सार्वजनिक स्थल सफा राख्न कुहिने र नकुहिने फोहोरलाई छुट्टै छुट्टै रङ्गका डस्ट्बिन वितरण गरेको छ ।

बैंकले आज उमाकुण्ड बडा नं ०२ बाम्तीभण्डारको बजार, स्कुल र मन्दिर क्षेत्रमा डस्ट्बिन वितरण गरेको थियो । उक्त कार्यक्रमको अध्यक्षता सन्राइज बैंक लिमिटेड बाम्तीभण्डार शाखाका प्रबन्धक निरज ढकालले गर्नु भएको थियो । उक्त कार्यक्रम उमाकुण्ड गाउँपालिका २ नं. वडा कार्यालयको अध्यक्ष खम्बध्वज बस्नेतको प्रमुख अतिथ्यितामा विभिन्न संघ संस्थाका प्रतिनिधि, लगायत यस बैंकका ग्राहक सदस्यहरुको उपस्थितीमा कार्यक्रम सम्पन्न गरिएको थियो ।

सन्राइज बैंक लिमिटेड बाम्ती शाखाले संस्थागत सामाजिक उत्तरदायित्तव कार्यक्रम अन्तर्गत रत्नज्योति बजार क्षेत्र, स्कुल र मन्दिर लगायत सार्वजनिक स्थलमा सफा राख्न कुहिने र नकुहिने फोहोरलाई छुट्टै छुट्टै रङ्गका डस्ट्बिन वितरण गरेको छ ।

उक्त कार्यक्रममा बोल्दै उमाकुण्ड गाउँपालिका २ नं. वडाको वडा सचिव जीवन बरुवालले वडा भित्रका स–साना बजार क्षेत्रहरु धेरै भएको हुदा वडा भित्रको संयन्त्रले मात्रै यहाँको फोहोर व्यवस्थापन गर्न सकिने स्थिती नभएकोले गाउँपालिका, जिल्ला र प्रदेश तहबाट नै समाधानको लागि पहल कदमी हुनु पर्नेमा जोड दिए । साथै सचिव बरुवालले कुनै सरकारी तथा गैरसरकारी संघ संस्थाले मात्रै फोहोर व्यवस्थापनमा केही गर्न नसक्ने भन्दै त्यसको लागि स्थानीय जनताहरु आफैं सचेत हुन आवश्यक रहेको बताए ।

सो कार्यक्रममा बोल्दै वडाध्यक्ष खम्बध्वज बस्नेतले बैंकको यस्तो कार्य प्रति चासो राख्दै आगामी दिनहरुमा पनि यस प्रकारका कार्यलाई बैंकले निरन्तरता दिनुपर्नेमा जोड दिनुभयो । साथै उहाँले सन्राइज बैंक गाउँपालिकामा भन्दा पहिला बाम्तीभण्डारमा ल्याउन सफल भएको र यहाँका जनताहरुलाई आर्थिक कारोबार गर्न सहज, सुलब भएको भनी उपस्थित सम्पुर्ण माझ प्रष्ट पारिदिनु भएको छ ।