रामेछाप । मुलुकमा संकट परेको बेला सरकार र नागरिकहरुलाई साथ दिन सफल सहकारीहरु पछि पर्दैनन् । यसको पछिल्लो उदाहरण रामेछापको उमाकुण्ड-२ स्थित समृद्धि बचत तथा ऋण सहकारी संस्था लि. ले प्रस्तुत गरेको छ । समृद्धि बचत तथा ऋण सहकारी संस्था लि.ले उमाकुण्ड गाउँपालिका वडा नं. २, लाई सो वडा भित्र संक्रमित बिरामी पशुहरुका लागी आबश्यक औषधिहरु सहयोग गरेको छ ।
आज एक औपचारिक कार्यक्रम गर्दै संस्थाले वडा कार्यालयलाई आवश्यक औषधिहरु सहयोग गरेको वडा सदस्य ङावा तेम्बा शेर्पा जानकारी गराउनुभयो । वडा कार्यालयमा भएको हस्तान्तरण कार्यक्रममा संस्थाका पदाधिकारीहरु तथा २ नं. वडाका वडा अध्यक्ष खम्बाध्वज बस्नेत, वडाका प्रतिनिधि लगायत स्थानीय पशुपालक कृषकहरुको उपस्थिति रहेको थियो । सहकारी संस्थाले अौषधि खरिद बापत छुट्याइएको १ लाख ५० हजार मध्ये २ नं. वडालाई ६५ हजार बराबरको अौषधि सहयोग गरेको वडा सदस्य शेर्पाले बताउनुभयो ।
उक्त वडामा हस्तान्तरण भएको अौषधि वडाका पशु प्राविधिकको सल्लाह बमोजिम पशुपालक किसानहरूलाई वितरण गरिएको छ ।
Discussion about this post