वित्तीय साक्षरता कार्यक्रम संचालन: लक्ष्मी सन्राईज बैंक बाम्ती शाखा

रामेछाप चैत्र ०५  गते l बालबालिका र युवाहरूमा वित्तीय साक्षरता अभिवृद्धि गर्दै वित्तीय ज्ञान, सीप र मनोवृत्तिको विकास गर्ने उद्देश्यका साथ Organization of Economic Cooperation and Development (OECD) को संयोजनमा सन् २०१२ देखि हरेक वर्ष Global Money Week (GMW) विश्वभर मनाउने गरिएको छ । यसै सन्दर्भमा २०२४ मार्च १८ देखि २४ (२०८० चैत ५ देखि ११) सम्म ‘Protect Your Money, Secure Your Future’ भन्ने नाराका साथ Global Money Week को १२ औं शृङ्खला मनाउन लागिएको हो। यो विश्वव्यापी वित्तीय चेतनामूलक अभियान हालसम्म १७६ मुलुकका ६ करोडभन्दा बढी बालबालिका र युवामाझ पुगिसकेको छ।

नेपाल राष्ट्र बैंकको राष्ट्रिय संयोजनमा यस वर्ष पनि विविध कार्यक्रमको आयोजना गरी देशभर Global Money Week मनाइँदैछ । यो कार्यक्रममा वित्तीय प्रणालीमा आबद्ध संस्थाहरुको सक्रिय सहभागिता रहनेछ । यसको अतिरिक्त विभिन्न गैरसरकारी संस्था र अन्य सरोकारवाला संघसंस्था पनि यस अभियानमा आबद्ध हुनसक्ने भएकोले वित्तीय साक्षरता प्रवर्द्धनमा क्रियाशील सम्पूर्ण संघसंस्था र निकायलाई सहभागी भई ‘Global Money Week 2024 भव्य रूपमा मनाउनका लागि यसै सुचनाद्वारा आहवान गरिन्छ । यस साताव्यापी अभियानमा सहभागी हुन इचछुक संघसंस्था र निकायलाई आ-आफ्ना कार्यक्रमको जानकारी उपलब्ध गराउने सप्ताह को रुपमा लिइदै आयको छ।

राष्ट्र बैंकको निर्देशन अनुसार उमाकुण्ड गाउँपालिका वडा नं.२ बाम्ती भण्डारमा रहेको लक्ष्मी सन्राइज बैंक शाखाले पनि उमाकुण्ड गाउँपालिका वडा नं.३ कुबुकास्थलीमा बिद्यार्थी तथा युवाहरुलाई ‘Global Money Week 2024 अन्तर्गत वित्तीय साक्षरता कार्यक्रम शाखा प्रबन्धक निरज ढकालको नेतृत्वमा जनता माध्यमिक बिद्यालयमा आयोजना भएको थियो l

सो कार्यक्रममा बैंक तथा अर्थ सँग जोडिएकाबिभिन्न बिषयमा छलफल, अन्तरक्रिया साथै ज्ञान आदानप्रदान गर्ने क्रियाकलाप भएको थियो l यस्ता प्रकृतिका कार्यक्रमहरुले विद्याथी, युवा लगायत सबैलाई फाइदा पुर्याउने बिध्यालयका शिक्षकहरु बताउछन् l