सोलुखम्बु । लिखुपिके गाउँपालिका खेलकुद विकास समितिको आयोजनामा चौथो पालिका स्तरीय राष्ट्रपति रनिङ शिल्ड खेलकुद प्रतियोगिता आज शुक्रबारदेखि भकाञ्जेमा सुरु भएको छ ।
प्रतियोगिताको सोलुदुधकुण्ड नगरपालिकाको मेयर नम्गेल जाङ्बु शेर्पाले एक कार्यक्रमबीच उद्घाटन गरे । उद्घाटनका अवसरमा लिखुपिके भित्रका सहभागी चन्द्रज्योति मा.वि. भकाञ्जे, हिमगंगा मा.वि. काफ्लेचौर र बुद्ध मा.वि गोली खेलाडीले मार्चपास गरेका थिए ।
चन्द्रज्योति माविको खेलमैदनमा सुरु भएको उद्घाटन कार्यक्रममा लिखुपिके गाउँपालिकाको अध्यक्ष मिन कार्की बस्नेत, वडा अध्यक्षहरु, कर्मचारीहरु, विभिन्न संघ संस्थाको प्रतिनिधी, पत्रकार, विद्यार्थी लगयतको उपस्थिती रहेको थियो भने स्वागतको लालि सगर भकाञ्जे आमा समूहले नृत्य प्रस्तुत गरेको थियो ।
खेलकुद विधाहरु तर्फ भलिबल, कबड्डी, एथलेटिक्स तर्फ हाइजम्प, लाङजम्प, त्रिपलजम्प, सटफुट, ज्याब्लिङ थ्रो तथा एक सय मिटर, ३ हजार मिटर र चार गुणा एक सय मिटर दौड गरी विभिन्न १० खेल समावेश प्रतियोगितामा १२० खेलाडी सहभागी छन् । अगामी २७ गतेसम्म सञ्चालन हुने प्रतियोगितामा विधाहरुमा छात्र र छात्राहरुको छुट्टछुट्टै प्रतिशप्रध हुनेछ ।
Discussion about this post