सगरमाथा राष्ट्रिय निकुञ्ज क्षेत्रमा हिउँ चितुवाको सङ्ख्यामा वृद्धि

0
SHARES
0
VIEWS

सगरमाथा राष्ट्रिय निकुञ्ज क्षेत्रमा हिँउ चितुवाको सङ्ख्यामा करिब २६ प्रतिशतले वृद्धि भएको छ । निकुञ्जमा करिब ३ महिना अघि गरिएको सर्वेक्षणको प्रारम्भिक प्रतिवेदन अनुसार आर्थिक वर्ष २०७३÷०७४ को भन्दा २६ प्रतिशतले हिउँ चितुवाको सङ्ख्यामा वृद्धि भएको हो । निकुञ्जका प्रमुख संरक्षण अधिकृत भुमिराज उपाध्यायका अनुसार ०७३÷०७४ को सर्वेक्षणमा २ सय २२ वटा हिँउ चितुवा रहेको थियो तर करिब तीन महिना अघिको गरिएको सर्वेक्षणमा तीन सय वटा भन्दा बढी देखाएको छ । यद्यपी गणनाको अन्तिम रिपोर्ट आउन भने बाँकी रहेको निकुञ्जको कार्यालय नाम्चेले जनाएको छ । साथै निकुञ्जमा झारलको सङ्ख्यामा समेत उल्लेख्य रुपमा वृद्धि भएको अनुमान गरिएको छ । करिब आधा दशक अघि फाट्टफुट्ट रुपमा मात्रै देख्न पाईने झारल अहिले प्रशस्त मात्रामा देखिने गरेको स्थानीय नागरिक दावा शेर्पाले बताउँनुभयो । निकुञ्ज क्षेत्रमा बासस्थान बढेसँगै बन्यजन्तुहरू बढेको हुन सक्ने निकुञ्जको अनुमान छ । विगतमा स्थानीयबासी बन पैदवारमा बढी सकृय हुँदा वन्यजन्तुको बासस्थान कम हुँदै गएपनि पछिल्लो केहि बर्ष यता स्थानीयवासी आफै वनजङगल संरक्षणमा जुटेको निकुञ्जका प्रमुख संरक्षण अधिकृत उपाध्यायको भनाइ छ । उहाँका अनुसार केहि बर्ष पहिला खुम्बु क्षेत्रको घरहरू निर्माण गर्दा अत्याधिक मात्रामा रुख विरुवाको फडानी हुने गरेको थियो । तर अहिले घर निर्माणमा प्लाईउड तथा फलामका सामाग्रीहरु प्रयोग गर्ने क्रम बढेसँगै बनजङ्गल फडानी हुने क्रम शतप्रतिशत घटेको निकुञ्जले जनाएको छ । साथै दाउरा बाल्ने ठाउँमा समेत ग्यासको प्रयोग बढ्दै गएकाले वन पैदावरमा कमी आएको प्रमुख संरक्षण अधिकृत उपाध्यायले बताउँनुभयो ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित