उमाकुण्डमा राष्ट्रपति रनिङ सिल्ड प्रतियोगिता सम्पन्न, चण्डेश्वरी मावि विजयी

0
SHARES
0
VIEWS

रामेछाप । रामेछापको उमाकुण्ड गाउँपालिकाले सञ्चालन गरेको   तेस्रो राष्ट्रपति रनिङ शिल्ड प्रतियोगिता मंगलबार सम्पन्न भएको छ ।

तीन दिनसम्म सञ्चालन भएको प्रतियोगिताको उपाधि चण्डेश्वरी मावि प्रीतिले जितेको छ । गाउँपालिकाको अध्यक्ष शेरबहादुर सुनुवारको अध्यक्षतामा भएको समापन कार्यक्रममा विजयी विद्यालयलाई सिल्ड प्रदान गरिएको गाउँपालिकाको शिक्षा तथा खेलकुद शाखाले जनाएको छ । कार्यक्रमका प्रतिनिधि सभा सदस्य पूर्णबहादुर तामाङको प्रमुख आतिथ्यमा भएको थियो ।

कार्यक्रममा गाउँपालिका उपाध्यक्ष सावित्री सुनुवार,प्रमुख प्रशासकीय अधिकृत दिलकृष्ण श्रेष्ठ, सात वटै वडाका वडा अध्यक्षहरू, कार्यपालिका सदस्यहरू, राजनीतिक दलका प्रतिनिधि, ४६ वटा विद्यालयका प्रधानाध्यापक, विभिन्न संघ संस्थाका प्रतिनिधि, खेल प्रेमी, शिक्षक, विद्यार्थी, स्काउट, सुरक्षाकर्मी, अभिभावक लगायतको सहभागिता रहेको थियो ।समापन कार्यक्रममा स्काउट ट्रुपले मार्च पास र परेड सहित विभिन्न कला संस्कृति भल्किने सांस्कृतिक नाचहरू प्रस्तुत गरिएको थियो ।

प्रतियोगिताको विभिन्न खेल विधामा सबैभन्दा बढी पाँच स्वर्ण पदक  ६ रजत र चार कांस्य पदक प्राप्त गर्दै चण्डेश्वरी मावि प्रीति प्रथम भएको छ । त्यस्तै पाँच स्वर्ण तीन रजत र पाँच कांस्य पदक जित्दै महालंगुर मावि गुम्देल द्वितीय भएको छ । प्रतियोगितामा पाँच स्वर्ण, तीन रजत  र एक कांस्य पदक प्राप्त गर्दै कैलेश्वर मावि गुप्तेश्वर तृतीय भएको छ ।

विजेता खेलाडीलाई शिल्ड, मेडल प्रमाणपत्र साथै एथलेटिक्स ट्याक र फिल्ड तर्फ प्रथम, द्वितीय र तृतीय हुने खेलाडीलाई क्रमशः २ हजार, १ हजार ५ सय र एक हजार नगद पुरस्कार प्रदान गरिएको छ । रिले दौड तर्फ ८ हजार, ६ हजार र ४ हजार रुपैँया नगद प्रदान गरिएको छ । भलिबल छात्रछात्रा तर्फ विजयी टिमलाई क्रमशः १५ हजार, १० हजार, ५ हजार र ३ हजार नगद प्रदान गरिएको छ ।

शिक्षक, कर्मचारी, जनप्रतिनिधि भलिबल खेलका विजयी टिमलाई क्रमशः १० हजार, ८ हजार, ५ हजार र  ३ हजार नगद पुरस्कार प्रदान गरिएको छ । उत्कृष्ट छात्रछात्रा तथा शिक्षक कर्मचारी जनप्रतिनिधि भलिबल खेलाडीलाई १ हजार ५ सय नगद सहित ट्रफी र प्रमाणपत्र प्रदान गरिएको छ ।

प्रतियोगितामा समग्र पदकबाट प्रथम हुनेलाई ४० हजार, द्वितीयलाई ३० हजार र तृतीय हुने विद्यालयलाई २० हजार नगदको साथमा ट्रफी, शिल्ड, मेडल, प्रमाणपत्र प्रदान गरिएको छ ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित