अन्तर्राष्ट्रिय फाइटरसँग भिड्दै रामेछापका मुवाईथाई खेलाडी लालबहादुर

0
SHARES
0
VIEWS

रामेछाप । थाइल्याण्डमा जारी अन्तर्राष्ट्रिय मुवाईथाई प्रतियोगितामा नेपाली खेलाडी लालबहादुर तामाङ नकआउट चरणमा पुगेका छन् ।

मुवाईथाई खेलाडी तामाङ विभिन्न प्रतियोगितामा च्याम्पियन बन्दै हाल अन्तर्राष्ट्रियस्तरका फाइटरसँग भिडिरहेका हुन् ।

थाइल्याण्डस्थित हुवा इन सहरको राजदाम्नेर्न स्टेडियममा भएको मुवाईथाई प्रतियोगितामा च्याम्पियन बनेपछि उनी थाइल्याण्डकै बैंकक सहरमा भएको खेलमा सहभागी भएका थिए ।

प्रतियोगितामा आफ्ना प्रतिस्पर्धीलाई पराजित गर्दै उनी नक आउट चरणमा प्रवेश गरेका छन् । आगामी मार्च २४ मा उनले इरानी फाइटरसँग नेपालको तर्फबाट प्रतिस्पर्धा गर्नेछन् ।

विश्वकै सबैभन्दा पुरानो स्टेडियममा हुने प्रतियोगितामा ५४ केजी तौल समुह अन्तर्गत विश्वका विभिन्न देशका फाइटरहरुबीच प्रतिस्पर्धा हुनेछ ।

रामेछापको उमाकुण्ड गाउँपालिका-५ पानीघाट निवासी तामाङ केही बर्षदेखि व्यावसायिक रूपमा मुवाईथाई खेलिरहेका छन् ।

खेलको माध्यमबाट नेपालको नाम चम्काउने लक्ष्य राखेका उनले व्यक्तिगत लगानीमै अन्तर्राष्ट्रिय प्रतियोगिताहरुमा सहभागी हुँदै आएका छन् ।

हालसम्म स्थानीय, प्रदेश र संघीय सरकारका कुनै निकायबाट पनि प्रतियोगितामा सहभागीताको लागि सहयोग नमिलेको उनको दुखेसो छ ।

मुवाईथाई खेलाडी तामाङले हालसम्म सहभागी ८ प्रतियोगितामध्ये ७ मा जित हासिल गरिसकेका छ ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित