रामेछाप – उमाकुण्ड गाउँपालिका वडा ३ खेलकुद विकास समितिद्वारा फागुन २२ देखि २४ गते सम्म आयोजित दोस्रो अन्तर वडा पुरुष भलिबल प्रतियोगिताको उपाधि आयोजक ३ नं. वडा कार्यालयले जितेको छ। बुधबार भएको फाइनल खेलमा आयोजक वडा नम्बर ३ कुम्बुकास्थलीले वडा नं. १ गुम्देललाई हराउँदै उपाधि हात पारेकाे हाे।
फाइनल खेलमा वडा नम्बर ३ ले १ लाई सोझो सेटमा हरायो। पहिलो सेट २५–२१, दोस्रो सेट २५–१७ र तेस्रो सेट १५–११ ले वडा नम्बर तीन विजयी भएकाे हाे। प्रतियोगिताको विजेता वडा नम्बर ३ ले नगद ५१ हजार १ सय ५१ रुपैयाँ, शिल्ड, मेडल तथा प्रमाण–पत्र र उपविजेताले नगद ३१ हजार १ सय ३१ रुपैयाँ प्राप्त गर्याे। यसैगरी तेस्रो हुने सनसाइन युवा क्लब गुम्देलले नगद २१ हजार १ सय २१ र सान्त्वना हुने भुजी खेलकुद विकास समितिले नगद ११ हजार १ सय ११ साथमा सिल्ड मेडल र प्रमाणपत्र प्राप्त गरेका छन् ।
खेल अवधिभर उत्कृष्ट खेल प्रदर्शन गर्ने उत्कृष्ट खेलाडी वेस्ट डिफेन्स बेस्ट सर्भर बेष्ट सेटर बेस्ट स्पाइकर बेस्ट ब्लकरले ट्रफि, मेडल र प्रमाण–पत्र प्राप्त गरे।
Discussion about this post