बाम्तीभण्डार भूमेथान मन्दिर संरक्षणमा जुटे स्थानीय

रामेछाप । उमाकुण्ड गाउँपालिका २ बाम्तीभण्डार, लुबुँमा रहेको भुमेथान मन्दिरको संरक्षणमा स्थानीय जुटेका छन् । धार्मिक हिसाबमा महत्वपूर्ण मानिने सो मन्दिर बजार क्षेत्र बढेसंगै सरसफाई र संरक्षणका लागि स्थानीयले चासो दिएका हुन् ।

भूमेथान संरक्षण समुह लगायत स्थानीय बासिन्दाहरूको सक्रिय पहलमा मन्दिर संरक्षणको लागि आर्थिक सहयोग जुटाउन थालेको स्थानीय बासी आङ कामी शेर्पा बताउनुभयो ।

मन्दिर वरपर सरसफाई र व्यवस्थित बनाउन अभियानको सुरुवात गरिएको स्थानीय शेर्पाले जानकारी दिनुभयो । त्यस्तै मन्दिर परिसरमा भक्तजनहरूका लागि प्रतीक्षालय निर्माण, घेरा बारामा तार जाली लगायत संरचनाहरु निर्माण गरी संरक्षणको योजना रहेका उहाको भनाई छ ।

भुमेथान संरक्षणकाे लागि दावा शेर्पा रू २० हजार, पेम्दोर्जी शेर्पा रू २ हजार ५ सय ५०, सन्तोस रू २ हजार, जिग्मे लामा रू १ हजार ५ सय, साङ्गे शेर्पा रु ३ हजार ५०,अस्मिन बस्नेत रु २ हजार ५ सय, सर्मिला बस्नेत रु ३ हजार १ सय आर्थिक सहयोग गर्नु भएका छन् ।

त्यस्तै अस्मिता रु १ हजार, निरज ढाकल रु २ हजार २ सय २२,अनुप जङ कार्की रू १ हजार १ सय,शुस्मा बस्नेत लुबु लाछ्मी रू १ हजार १०, सबिना कार्की रू १ हजार १ सय दश, फुर्तेन्जिइ शेर्पा रु ५ सय ५, राम बहादुर लामिछने रु १ हजार ५०, कल्पान कट्टुवाल रू ५ सय आर्थिक सहयोग भएको आङ कामी शेर्पाले जानकारी दिनुभयो ।

भुमेथान मन्दिर संरक्षणको लागि वडा कार्यालयमा पटकपटक अनुरोध गर्दा पनि कुनै बजेटको व्यवस्था नगरिएकोले पुजारी कालु मान र आफूहरूले नै प्रचारप्रसार काम अघि बढाएको शेर्पाले बताउनुभयो । धार्मिक क्षेत्रमा आस्था राख्ने मनकारीहरू बाट लगभग ४० हजार संकलन भएको पनि शेर्पाले बताउनुभयो । गत बर्ष पनि मन्दिरको भेटी रकम र स्थानीयबाट आर्थिक सहयोग संकलन गरि घेराबार र गेटकाे काम गरिएको उहाँले बताउनुभयो ।