रामेछाप । उमाकुण्ड गाउँपालिकाले टोल विकास संस्था र उपभोक्त समितिको लागि सातै वटा वडामा सञ्चालन गर्न लागेको योजना कार्यन्वयन सम्बन्धि अभिमुखिकरण कार्यक्रम आज सोमबार वडा नम्बर २ बाम्तीभण्डारमा सम्पन्न भएको छ ।
आर्थिक बर्ष ०८०/८१ को स्वीकृत कार्यक्रम अनुसार उमाकुण्ड वडा नम्बर २ भित्र गठन भएको उपभोक्त समिति र १२ वाट टोल विकास संस्थाका सदस्यहरूलाई योजना सम्बन्धि योजना सञ्चालन अभिमुखिकरण कार्यक्रम सञ्चालन गरिएको थियो ।
सिद्धेश्वर मावि लुबुँको सभा हालमा भएको कार्यक्रम उमाकुण्ड वडा नम्बर २ बाम्तीभण्डारका वडा अध्यक्ष खम्बाध्वज बस्नेतको अध्यक्षतामा भएको थियो भने कार्यक्रमलाई वडा तथा गाउँपालिकाबाट खटिएका प्रविधिकहरूले सहजीकरण गर्नुभएको थियो।
उक्त अभिमुखिकरण कार्यक्रममा २ नम्बर वडाका जनप्रतिनिधि तथा सरोकारवालाहरूको उपस्थिति रहेको उमाकुण्ड वडा नम्बर २ का वडा सदस्य ङावा तेम्बा शेर्पा जानकारी दिनुभयो ।
Discussion about this post