उमाकुण्ड २ बाम्तीभण्डारले कार्यसमितिको बैठक बसी सातवटा बिषयमा निर्णय

0
SHARES
0
VIEWS

रामेछाप । उमाकुण्ड २ बाम्तीभण्डारले आज वडा कार्यसमितिको बैठक बसी जनसमुदायलाई प्रत्येक्ष प्रभाव पर्ने सातवटा महत्त्वपूर्ण निर्णय गरिएका छन् ।

आर्थिक बर्ष २०८०/०८१ को लागि उमाकुण्ड २ बाम्तीभण्डारमा ५ लाख बराबरको फोहोर व्यवस्थापन योजनालाई कार्यनयन गर्न सूचना प्रकाशन गरि समिति गठन गर्ने भएको छ । त्यस्तैगरी सामाजिक विकास अन्तर्गत बाम्ती खानेपानी व्यवस्थापन, वडा भित्रका समग्र सिचाइ र समग्र शाखा सडक मर्मतकाे लागि कोटेसन माग्ने निर्णय पनि गरिएको छ ।

त्यस्तैगरी मर्मतको अभावमा जिर्नो अवस्थामा पुगेको उमाकुण्ड २ देउरालीदेखि ठाडो खोलासम्मका सडकलाई भिजन हाइड्रोपावर, दुगर्ड हाइड्रोपावर, हिमस्टार हाइड्रोपावर, एपलो हाइड्रोपावर लगायत लिखुपिके गाउँपालिकासंग अनुरोध गरी मर्मतको लागि ताकेता गर्ने र यदि उनीहरूले अटेर गरि स्तर उन्नति नगरेकोमा  गाउँपालिका, वडा आफैंले तत्काल सोलिङ तथा ग्रेवेल गरी सोको सबै रकम हाइड्रोपावर व्यहोर्न लगाउने निर्णय गरिएको छ ।

त्यस्तै उमाकुण्ड वडा नम्बर २ भित्र गठन भएको सम्पूर्ण टोल विकास संस्थाहरूलाई मिलाएर वडामा सुचिकृत गर्ने पनि कार्यसमितिले आजको बैठकमा निर्णय गरिएको छ ।

आजको वडा कार्यसमिति निर्णय अनुसार रत्नज्योति बजारको नक्सा अनुसार सडक अतिक्रमन गरी बनाएका संरचना हटाउने निर्णय भएको उमाकुण्ड वडा नम्बर २ का वडा सदस्य ङावा तेम्बा शेर्पाले जानकारी दिनुभएको थियो । साथै यस आर्थिक बर्षमा वडा भित्र स्वीकृत प्रधानमन्त्री स्वरोजगार योजनाहरुलाई सातदिने सूचना प्रकाशन गरी तत्काल आम भेला मार्फत समिति गठन गर्ने पनि वडा सदस्य शेर्पाले जानकारी दिनुभयो ।

 

वडाकाे देउरालीदेखि ठाडो खोलासम्मको सडक  दशै नजिकिँदै गर्दा चाडपर्वको मुखमा अति बिग्रेको कारण यात्रुहरूले सास्ती खेप्नुपरेको र हाइड्रोपावरहरूसंग सहकार्य गरि तत्काल सडक मर्मत गर्ने वडा सदस्य शेर्पाले बताउनुभयो । तर हाइड्रोपावरहरूले सडक मर्मतमा सहयोग नगरेमा वडा तथा गाउँपालिका मार्फत सडकको स्तर उन्नति गर्ने र सो सडकमा हाइड्रोपावरको ठुलो सवारीसाधनहरूलाई रोक लगाउने निर्णय पनि आजको बैठकमा निर्णय गरिएको पनि सदस्य शेर्पाले बताउनु भयो ।

तपाईको सूचना हाम्रो समाचार भ्रष्टाचार, अनियमितता सम्बन्धी र अन्य कुनै अडियो तथा भिडियो तपाईसंग छ भने हामीलाई उपलब्ध गराउनुहोस । हामी श्रोत गोप्य राखिने छ । तपाईसँग कुनै लेख, रचना, विचार तथा स्तम्भ छन् भने हामीलाई numburkhabar@gmail.com मा पठाउनु सक्नुहुनेछ । तपाईका सामग्रीलाई हामी प्राथमिकताका साथ प्रकाशित गर्नेछौं ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित