रामेछाप । उमाकुण्ड वडा नम्बर १ गुम्देलमा वडा अध्यक्ष ङातिण्डु शेर्पाको संयोजकत्वमा ७ सदस्यीय बजार अनुगमन समिति गठन गरिएको छ ।
आज गठन भएको उक्त अनुगमन समितिमा जनप्रतिनिधि, वडा सचिव , शिक्षक प्रतिनिधि, प्रहरी प्रतिनिधि, स्वास्थ्यकर्मी र सरोकारवालाहरू समावेश भएको थियो ।
समितिले आजै उमाकुण्ड १ गुम्देलको मुख्य बजार गुम्देल बसपार्क र आसपास अनुगमन गरिएको टाङदिङ अस्थायी प्रहरी चौकीका प्रहरी कृष्ण कुमार यादवले बताउनुभयो ।
चाडपर्वको मुखमा म्याद गुज्रिएको खाद्य वस्तु, कालो बजारी तथा नियम बिपरित सञ्चालन भएको होटल तथा पसलहरूको अनुगमन हुने अनुगमन समितिका सदस्य तथा महालंगुर माविका प्रधानाध्यापक अमृत बहादुर थापाले जानकारी दिनुभयो ।
अब चाडैं उमाकुण्ड १ ठाडोखाला देखि टाङदिङ्ग सम्मको अन्य क्षेत्रहरूमा रहेको सानाठूला बजार तथा होटल पसलहरू पनि अनुगमन गर्ने निर्णय भएको प्रधानाध्यापक थापाले बताउनुभयो ।
त्यस्तै उमाकुण्ड २ बाम्तीभण्डारमा पनि बजार अनुगमन निर्देशिका बमोजिम जनप्रतिनिधि, राजनीतिक दलका प्रतिनिधि, टोल विकास संस्थाका प्रतिनिधि, प्रहरी प्रशासन, स्वास्थ्यकर्मी तथा सरोकारवालाहरू सहित आज अनुगमन समिति गठन भएको उमाकुण्ड २ नम्बर वडाका वडा अध्यक्ष खम्बाध्वज बस्नेतले बताउनुभयो । अब छिट्टै तयारी गरि बजार अनुगमन हुने अध्यक्ष बस्नेतले जनाउनु भयो ।
Discussion about this post