रामेछाप । उमाकुण्ड २ देउराली देखि ठाडो खोलासम्मको सडक खण्ड सोलिङ्ग तथा ग्रेवेल गर्ने बिषयमा हाइड्रोपावरको प्रतिनिधि र सरोकारवाला बीच छलफल भएको छ ।
हिजो बिहीबार उमाकुण्ड २ नम्बर वडा कार्यालयमा भएको छलफल कार्यक्रममा दशैतिहार अगाडि नै काम सुरु गर्ने गरि सहमति भएको २ नम्बर वडाका वडा सदस्य ङावा तेम्बा शेर्पा बताउनुभयो ।
ठाडोखोला देखि दोखर्पसम्म भिजन हाइड्रोपावर र दोखर्प देखि देउरालीसम्म दुगर्ड हाइड्रोपावरले सोलिङ्ग तथा ग्रेवेल गर्ने सहमति भएको जनाएको छ । त्यस्तै एपोलो र हिम स्टार हाइड्रोपावरले भने देउराली झरेनी सडक खण्डमा एक सय, एक सय घनमिटर सोलिङ्ग गर्ने सहमति भएको छ ।
छलफल कार्यक्रममा २ नम्बर वडा बाम्तीका जनप्रतिनिधि, राजनीतिक दलका प्रतिनिधि, केही हाइड्रोपावरका प्रतिनिधि, सुरक्षाकर्मी लगायत अन्य सरोकारवालाहरू उपस्थिति भएको थियोे ।
निरन्तर बर्ष र ठुलो क्षमताको मालबाहक गाडीले खाल्डाखुल्डी भएको उक्त सडक खण्ड भन्ने कुराले यात्रु खुसी भने पनि सडक बन्ने बिषयमा अझै विश्वस्त नरहेको स्थानीयको गुनासो रहेको छ ।
Discussion about this post