रामेछाप । स्वास्थका लागि खेलकुद राष्ट्रका लागि खेलकुद भन्ने नारा सहित आगामी पुष १ देखी ३ गतेसम्म उमाकुण्ड १ गुम्देलमा सन्चालन हुने गाउँपालिका स्तरीय चौथो राष्ट्रपति रनिङ शिल्ड खेलकुद प्रतियोगितालाई तिव्र पारीएको छ ।
जिल्ला स्तरीय राष्ट्रपति रनिङ शिल्ड प्रतियोगितामा सहभागि जनाउनको लागी पालिका स्तरीय प्रतियोगिताबाट छनौट भएर आउनुपर्ने प्रावधान रहेको छ ।
उक्त छनोट खेल अन्तरर्गत उमाकुण्डका वडा नम्बर १ को गुम्देलमा छनौट चरणको खेल सन्चालन गरीएको छ । उमाकुण्ड गाउँपालिकाको आयोजनामा हुने प्रतियोगितामा सात ओटा माध्यमिक विद्यालयका १८ बर्ष भन्दा कम उमेरका विद्यार्थीहरुको सहभागीता रहने छन् ।
प्रतियोगितामा भलिबल, कबड्डी एथ्यलेटिक्स, हाइजम्प, लङजम्प,त्रिपलजम्प, ज्यावलिङथ्रो लगायतका खेलहरु हुने उमाकुण्ड गाउँपालिका शिक्षा शाखाका प्रासा ङावा शेर्पाले जानकारी दिनुभयो ।
पालिका स्तरीय प्रतियोगितामा छनोट हुने विद्यार्थीले आगामी दिनमा सन्चालन हुन लागेको जिल्ला स्तरीय राष्ट्रपति रनिङ शिल्ड प्रतियोगितामा सहभागी हुन पाउने छन् । यता प्रतियोगितामा सहभागी जनाउने विद्यालयहरुले पनि विद्यार्थीहरुलाई प्रतियोगितामा सहभागी गराउने तीव्र तयारी गरिरहेका छन् ।
जिल्ला स्तरीय राष्ट्रपति रनिङ शिल्ड प्रतियोगिता पनि उमाकुण्डमा हुने भएकाले खेलकुदको माध्यमबाट समग्र उमाकुण्डको पर्यटन प्रबर्द्धन हुने उद्धेश्यलाई मध्येनजर गरी प्रकृति तथा संस्कृति रुपमा अति सौन्दर्य मानिने उमाकुण्ड १ गुम्देलमा पालिका स्तरीय रनिङ शिल्ड प्रतियोगिता आयोजना गरिए शिक्षा शाखाका प्रासा शेर्पाले बताउनुभयो ।
प्रतियोगितालाई सफल बनाउन उमाकुण्ड १ बासीले बिशेष सहयोग गर्ने अपेक्षा राख्दै शिक्षा शाखाद्वारा सम्पुर्ण खेलप्रेमीहरूलाई विभिन्न सूचना मार्फत प्रतियोगितामा सहभागी हुन निमन्त्रणा गरेका छन् । प्रतियोगितामा सहभागी हुने विद्यार्थीहरूको खाना, बस्न, यातायात लगायतका सम्पुर्ण खर्च गाउँपालिकाले नै व्यवस्था गर्ने भएको छ ।
Discussion about this post