रामेछाप । बालबालिकामा गरेको लगानी ल्याउछ सुनौलो बिहानी भन्ने नारा सहित आज बालमैत्री स्थानीय शासनको नीतिगत र प्रक्रियागत अवलम्बन कार्यान्वयन सम्बन्धि वडा स्तरीय एक दिने नीतिगत अभिमुखिकरण कार्यक्रम सम्पन्न भएको छ ।
उमाकुण्ड गाउँपालिकाको बार्षिक कार्यक्रम अनुसार बालमैत्री स्थानीय शासनको नीतिगत प्रक्रिया कार्य कार्यान्वयनलाई प्रभावकारी बनाउन गाउँपालिकाको ३ नं. वडा कार्यालय कुम्बुकास्थलीमा वडा स्तरमा अभिमुखिकरण कार्यक्रम सञ्चालन गरिएको थियो ।
३ नं. वडा कार्यालय कुम्बुकास्थलीको आयोजना तथा उमाकुण्ड गाउँपालिका महिला, बालबालिका तथा जेष्ठ नागरिक शाखाको समन्वयमा सञ्चालित अभिमुखिकरण कार्यक्रममा वडालाई बालमैत्री स्थानीय शासन युक्त वडा घोषणा गर्न आवश्यक ५१ वटा सूचकहरूका बारेमा वडा स्थित विद्यालय, बाल सञ्जाल, नागरिक समाज, सुरक्षाकर्मी, स्वयंसेविका लगायत सरोकारवाला सबैलाई जानकारी दिएको थियो ।
वडाले बालमैत्री स्थानीय शासन कार्यान्वयन निर्देशिका २०७८ र बाल मैत्री स्थानीय शासन घोषणा कार्यविधि २०७९ अनुसारका बालबालिकाको हक, अधिकार, संरक्षण, सहभागिता र विकास सम्बन्धि ५१ वटा सूचकहरू पुरा गर्नुपर्ने बिषयमा सम्बन्धित सरोकारवालालाई सहजीकरण गरिएको थियोे ।
वडाध्यक्ष गुण कुमार थापाको अध्यक्षतामा भएको कार्यक्रममा वडा सचिव सम्तेन साइमन लामा, महिला, बालबालिका तथा जेष्ठ नागरिक शाखाका सहजकर्ता ,वडा सदस्यहरू, बाल सञ्जालका प्रतिनिधि, वडा भित्रका विद्यालयका प्रधानाध्यापक, स्वयंसेविकाहरू, टोल विकास समितिका प्रतिनिधि, विव्यस अध्यक्ष, मेलमिलाप सहजकर्ता, महिला सञ्जाल, इलाका प्रहरी कार्यालयका सुरक्षाकर्मी लगायत सरोकारवालाहरूको बाक्लो उपस्थिति थियो ।
गाउँपालिकालाई बालमैत्री बनाउने उद्धेश्य सहित उमाकुण्ड गाृँपालिकाको सातै वडामा सञ्चालन गरिने तालिका रहेको उक्त कार्यक्रममा हिजो वडा नं. १ र २ भएको थियोे भने भोलि फागुन ७ गते वडा नं. ६ र ७ मा हुने कार्यतालिका छ । त्यस्तै अन्तिम कार्यक्रम फागुन ८ गते गाउँपालिकाको केन्द्र वडा नं. ४ च्यदोलुमा सम्पन्न हुने भनिएको छ ।
Discussion about this post