रामेछाप । उमाकुण्ड गाउपालिका वडा नं. ४ च्यादोलुमा रहेको चण्डेश्वरी माद्यामिक विद्यालयमा एन्टीजेन विधिवाट कोरोना परिक्षण गर्दा विद्यालयका ४ जना शिक्षक र एक जना विद्यार्थीमा आइतबार कोरोना पोजिटिभ देखिएको छ ।
विद्यालयकाे शिक्षक तथा विद्यार्थीमा जरो आउने, टाउँको दुख्ने जस्ता लक्षण देखिएपछि स्वास्थकर्मीहरूले परीक्षण गर्दा सोही विद्यालयमा अध्ययनरत कक्षा पाँचको एक जना विद्यार्थी र शिक्षकहरूमा पोजिटिभ देखिएको हो ।
विद्यालयमा कोरोना पोजिटिभ देखिएपछि सूचना प्रकाशन गरि पौष ११ गते आइतवारवाट वडा कार्यालय र शिक्षा शाखासंग समन्वयमा विव्यसद्वारा निर्णय गरि एकहप्ताको लागि विद्यालय बन्द गरिएको छ । विद्यालय पौष १९ गतेबाट सुचारु हुने भएको छ ।
Discussion about this post