रामेछाप । उमाकुण्ड गाउँपालिकामा आज बिहीबार बोलेरो जिप दुर्घटना हुदा एकजना सामान्य घाइते भएका छन् । घाइते अवस्था सामान्य रहेको उमाकुण्ड २ बाम्तीका सदस्य ङावा तेम्बा शेर्पाले जनाएको छ ।
लिखुपिकेबाट काठमाडौतर्फ जाँदै गरेको बागमती प्रदेश ०१ ०२६ च ६८०४ नम्बरको बोलेरो उमाकुण्ड– २ देउराली स्थित झरेनीमा दुर्घटनाग्रस्त भएको बाम्ती प्रहरी चौकीले जनाएको छ ।
चालकसहित ६ जना यात्रु र सामान बोकेको बोलेरो रोकेको अवस्थामा आफै पछाडि सरेर सडकबाट अन्दाजी ५० मिटर तल खसेर दुर्घटना भएको थियो ।
प्रहरी कार्यालयका अनुसार बोलेरोमा सवारमध्ये घाइते लिखुपिके गाउँपालिका–४ का छत्र बहादुर कार्की रहेको छ । घाइतेलाई उपचारको लागि बाम्ती स्वस्थ चौकीमा पठाएको छ । बोलेरो गाडी पुर्ण रूपमा क्षेति भएको छ ।
Discussion about this post